Dak sebut jagade gonjang-ganjing
Amarga akeh kang ora padha eling
Marang liyan, apa maneh marang sing gawe gesang
Wong gedhe padha jegal-jegalan
Rebutan panggonan lan panguwasan
Ewadene wong cilik padha gedhungsangan
Golek pangan panguripan
Sing ndhuwur saya mulur
Sing ngisor saya thekor
Pancen jagade lagi gonjang-ganjing
Akeh kang padha ngedan
Yen ora edan padha ora keduman
Padha ndugang-dinugang
Singkang-singkangan
Ilang rasa kamanungsan
Lumrahe wae gusti paring samubarang pepeling
Maneka bebendu: lindhu, petir, angin, udan, ora uwis-uwis
Supaya manungsa padha eling
Dening: Prembayun Miji Lestari, S.S M. hum
Sumber : Buku ajar bahasa jawa “fokus”
Tidak ada komentar:
Posting Komentar